Antamishite Zonia

by Juana Martinez-Neal

translated into Asháninka from the Spanish by Deniz Contreras Alva

Zonia osaiki antamishiki omatsiriatira aisati otimapaira saikantsipero, otsipajeitari oshaninkape onintajeitiri.

Aparope kitaiteriki, antamishi okajemapintiro Zonia.

Aparope kitaiteriki, Zonia akapintiro.

Antamishiteki Zonia, omatsiriatira aisati otimapaira saikantsipero, okibantajeitapintiri aapatianepe peesatiterini aisati obakeranenta aapatiayetajari.

—¡Kitaiteri!— obetsatantapinta aparoni, apiteni, mabani, otsi apiipinintiro.

Ari meka okenkitsatakajeitiri otsipanampijeitari kenkitsareantipe arejeitapachari obakeranenta.

—¡Pimpokabejeite! Ari nosabikiri notsipanampijeitami— okantajeitiri opampoyantanentaro Zonia.

Ari obetsatari aapatiane ñatsaperotinkari.

—Abiroperotake naapatiabintsare— okantatsatiri Zonia.

Ariorika intakotyaro, aapatiane shintsikiiri ikantero tsamebe aniibeetaiteri tomirishiki.

—Okajemake Zonia —¡Arojei añaaperojeita!— irotake okemiri asankaneki irori.

Zonia oñake anaatajeitatsiri aabakainkari porereakinibe.

—¿Jaoka okantari nija meeka?— osampijeitakeri oshirontashirea.

Impoiji obeshireakojeitaro inape otsipajeitarira entsitepe.

—Nokobaitake iyootitetenari nojaririjaniki obakera timapatsiri. Nintaasanotari.

Orame Zonia onebenetaro oñatsapintya manaantsipe.

—Koni, iko, tson, soti…— oñanati ñakarontsipe.

Aparopeni aapatianepe Zonia yamitakojeitiro amenero pashininenka kipatsika.

Aisati Zonia oyoperoti janika okibaanteri omajerekiaterika tekatsirika oyerone.

Ari meka aniitanajira ojataje obankoki, Zonia oñaake kobenkatimotakarori kari oñapininte. Otsarobakera, oshiyaitanaka irosati aretantaja obankoki.

—Okempejitapajarora onampi Zonia kajemapake ashitareakero akope —¡Inaa, pamene! ¡Antamishi okobati amitakotantsi!

Ari okantiro oniro Zonia— Oñanatatimi.

—Jaaje ari nakakero— akake Zonia —aitake nokantapintari nakaapintiro.

—Ari akantajeityari maroni akaapintero.

Antamishite Zonia

by Juana Martinez-Neal

translated into Asháninka from the Spanish by Arlynder Sett Gaspar Paulino

Zonia osaiki okaratiri maroni añatsiri antamishiki, okantara kenashijenka osheki añantarori. 

Kitaiterikepe, antamimashi okajemapintiro Zonia. Kitaiterikepe, Zonia akapintiro.

Antamishiteki Zonia okantara kenashijenka osheki saikantarori, okiibántiri peesatiri otsipabintsare aisati obakerari apatyane.

—¡Kitaiteri!— obetsatantapinta aparo, apite, mabaa, otsi apipinitiro.

Ora meka osaikashitiri okinkitsatakayiri obakeraripe aisati kenketsariantipe otsipanampijetari.

—¡Pimpokabejeite! Nosabiki notsipanampijeitami— Zonia okantiri opamposhirianentiri.                                                                         

Ora obetsatari otsipabintsare ñatsaperotinkari.

—Abirotake nokashiyapintari— Zonia okanttatsatiri.

Aririka okantake, otsipabintsare shintsikiiri ikantero tsamebe aniibetakite tomirishiki.

—¡Arojeipero!— okanti Zonia, irotake okeemiri asankaneki.

Zonia oñake yamatajeiti aparoni tsipatachari ikimoshiretake.

—¿Jaokari okantari nija meeka?— osampijeitakeri oshirontashiriaka.

Ora obeshiriakajeitaro inapee otsipajeitarira entsitepe.

—Nokobaitake iyotitenari obakerari nojaririjaniki. Nonintasanotiri.

Ora Zonia onebetaro oñatsataro otsitibetya.

—Koni, iko, tson, soti…— oñanati ñakarontsipe.

Aparopeni otsipabintsare Zonia yamitakotiro yamenajeitiro kipatsi ora nashyetachari kinkitsashiriantsi. Meka Zonia oyoperoti janika okibaánteri okobi osaike omajerete aisati otekatsite.

Iro meka otsonkakearika okibantiri maaroni otsipabintsare, Zonia betsikaja opiyaje obankoki. Osheki okantimoitajaro oñapajero oniro aisati ojaririjaniki.

Oejatajero awotsiki jatatsiri obankoki, Zonia oñaake kari oñapinte perani. Otsarobashireanake, oshiyaitanaja irosati obankoki.

—¡Inaa, pamene!— okaimapake Zonia ashitariro akope—. ¡Antamimashi okoy amitakotantsi!

—Oñanatatimi— okanti oniro Zonia.

—Iroñaka ari nakakero— akakero Zonia —nokemitapintiro nakiro.

—Marojeini otimatye akajeintero.